Sunday, August 26, 2012

ശ്രീധരനുണ്ണി


രുഭൂമിയില്‍ മഴ പെയ്യുന്ന ദിനം ചത്ത -
കിളികളുയിര്‍ക്കൊണ്ട് പാടുന്ന ശുഭദിനം .
മറവിക്കൂട്ടില്‍നിന്നുമീയാം പാറ്റകള്‍ പാറി -
പ്പറക്കാന്‍ ചിറകുകള്‍ വെക്കുന്ന ശുഭദിനം.
ആ ദിവസവും കാത്തു കാത്തു ഞാനീയാകാശ
സീമയില്‍ ചരിക്കുകയാണല്ലോ യുഗങ്ങളായ്.
മാറി മാറി ഞാനോരോ ലഗ്നവും കടക്കുമ്പോള്‍ 
മാറിലിത്തിരിനോവ് കനക്കുന്നതുപോലെ .
ഗോളകങ്ങളില്‍ നിന്ന് ഗോളകങ്ങളിലേക്ക് 
ഞാനാരെത്തേടിത്തേടി യിങ്ങനെ പറക്കുന്നു ?
അറിവീലൊന്നുംകൂട്ടിന്നേതു നക്ഷത്രം ?താഴെ 
മഴ പെയ്യു ന്നു സ്വന്തം മണ്ണിലെന്നറിയുന്നു .
ആ മഴ മാത്രം സ്വന്ത മാക്കുവാനാ ണെന്‍മോഹം 
ആ കുളുര്‍ ജലം മാത്രം മോന്തുവാനാണെന്‍  ദാഹം .
ഒരു സങ്കടം ബാക്കി ,യിത്ര നാളലഞ്ഞിട്ടും
മിഴിയില്‍ പെട്ടീലെന്റെ ജന്മനക്ഷത്രം മാത്രം.


5 വായന:

nazar koodali said...

ഒരു സങ്കടം ബാക്കി ,യിത്ര നാളലഞ്ഞിട്ടും
മിഴിയില്‍ പെട്ടീലെന്റെ ജന്മനക്ഷത്രം മാത്രം.

Gireesh KS said...

നല്ല കവിതയാണ്. ഓണാശംസകള്‍ നേരുന്നു

വിഷ്ണു പ്രസാദ് said...

ഓണാശംസകള്‍

ജസ്റ്റിന്‍ said...

ദാണ്ടെ യെല്ലാരും യോണാശംസ പറയുന്ന് . ഇതിപ്പ കവിതക്കുള്ള കമന്റല്ല കേട്ടാ .

ഓണാശംസകള്‍

P A Anish said...

Kavitha Nannayi

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

ഫേസ് ബുക്കില്‍

പഴയ ലക്കം

FEEDJIT Live Traffic Feed

  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP