Tuesday, November 1, 2011

സച്ചിദാനന്ദൻ പുഴങ്കര


















ന്റെ വിൻസെന്റ്! അതാ
നക്ഷത്ര രാത്രികൾ 
നിന്റെ മുഖം പകർ‌-
ത്തീടുന്നു നീലയിൽ;
കുന്നിൽ നിഴലുകൾ
മഞ്ഞും നിറങ്ങളും 
കൊണ്ട് ചെടികൾ,
മരങ്ങൾ, വിറയ്ക്കുന്ന
തെന്നലുമാണ്
വരയ്ക്കുന്നു പിന്നെയും.

ഇച്ഛയിൽ മഞ്ഞ
നിറഞ്ഞ പാടങ്ങളിൽ
കുത്തി വരച്ച
കുരിശിൻ വഴികളിൽ
ഒറ്റ വരയിൽ
ഒതുക്കുവാനാകാത്ത
യുക്തികൾ ചായം
കലക്കുമിടങ്ങളിൽ
എത്ര സഹിച്ചു നീ
ചിത്തഭ്രനത്തിന്നു-
മപ്പുറമെത്തി
തളർന്നുറങ്ങീടുവാൻ.

എന്തിനേക്കാളും
പരിശുദ്ധമാകുന്നു
നിന്റെ ഹൃദയസ
ന്താപങ്ങളൊക്കെയും;
സ്വന്തം പ്രണയ-
മെടുത്തു കൈവെള്ളയി-
ലേന്തി വിതുമ്പി-
ത്തകർന്നു പോകുമ്പൊഴും
നക്ഷത്ര രാത്രികൾ!
കത്തുന്ന പൂവുകൾ-
ക്കൊപ്പം ചുഴലി-
ച്ചുഴികൾക്കിടയിൽ നീ
ഒറ്റച്ചെവിയുമായ്,
കുന്തിരിക്കത്തിന്റെ
മുറ്റിയ ചാര-
നിറത്തിൽ കനലുപോൽ
സ്കെച്ചുകൾ; മുമ്പിൽ
കരിന്തിരി കത്തുന്നൊ-
രിത്തിരി വെട്ടം,
ഉരുളക്കിഴങ്ങുകൾ-
ക്കൊപ്പം വരണ്ട
തൊലിയുമായ് പച്ചയാ-
യെത്ര നിറങ്ങളി-
ലാറാടി നിന്നു നീ!
നക്ഷത്ര രാത്രികൾ!
ശൂന്യമാം ഹാളിലു-
ണ്ടെത്രയോ ഛായാ-
പടങ്ങൾ, ഒരു പാടു
ചട്ടയില്ലാത്ത
തലകൾ, പേരില്ലാതെ
ഭിത്തിയിൽ‌- കൺകൾ
തുറിച്ചു നോക്കുന്നതീ
ഭഗ്നഗോളത്തെ;
മറക്കുന്നതെങ്ങനെ?
ചാക്കു പുതച്ച്
നടന്നവർ, കൽക്കരി-
ക്കാട്ടിൽ വിശന്നു 
തളർന്നവർ- ആരിവർ?
ഇന്നിതാ നോക്കൂ
തുടരുന്നു പിന്നെയും
എന്റെയുള്ളിൽ ക്രൂര-
നക്ഷത്ര രാത്രികൾ!
എന്തിനെൻ വിൻസെന്റ്!
മനഹരമാകുന്ന
നിന്മുഖം ഭൂമി-
ക്കനർഹം അറിഞ്ഞു ഞാൻ.

(ഡോൺ മക്‌ലീഷിന്റെ പാട്ടിനോട് കടപ്പാട്)

8 വായന:

ഏറുമാടം മാസിക said...

എന്റെ വിൻസെന്റ്! അതാ
നക്ഷത്ര രാത്രികൾ
നിന്റെ മുഖം പകർ‌-
ത്തീടുന്നു നീലയിൽ;
കുന്നിൽ നിഴലുകൾ
മഞ്ഞും നിറങ്ങളും
കൊണ്ട് ചെടികൾ,
മരങ്ങൾ, വിറയ്ക്കുന്ന
തെന്നലുമാണ്
വരയ്ക്കുന്നു പിന്നെയും.

Satheesan OP said...

നന്നായിട്ടുണ്ട്....

Sunil Jose said...

കൊള്ളാം നന്നായിട്ടുണ്ട്
എന്തിനേക്കാളും
പരിശുദ്ധമാകുന്നു
നിന്റെ ഹൃദയസ
ന്താപങ്ങളൊക്കെയും;
സ്വന്തം പ്രണയ-
മെടുത്തു കൈവെള്ളയി-
ലേന്തി വിതുമ്പി-
ത്തകർന്നു പോകുമ്പൊഴും
നക്ഷത്ര രാത്രികൾ!
കത്തുന്ന പൂവുകൾ-
ക്കൊപ്പം ചുഴലി-
ച്ചുഴികൾക്കിടയിൽ നീ
ഒറ്റച്ചെവിയുമായ്,
കുന്തിരിക്കത്തിന്റെ
മുറ്റിയ ചാര-
നിറത്തിൽ കനലുപോൽ
സ്കെച്ചുകൾ; മുമ്പിൽ
കരിന്തിരി കത്തുന്നൊ-
രിത്തിരി വെട്ടം,
ഉരുളക്കിഴങ്ങുകൾ-
ക്കൊപ്പം വരണ്ട
തൊലിയുമായ് പച്ചയാ-
യെത്ര നിറങ്ങളി-
ലാറാടി നിന്നു നീ!

Muyyam Rajan said...

നന്നായി.

വിഷ്ണു പ്രസാദ് said...

വിന്‍സെന്റിനെ ഞാനും കാണുന്നു...

ഇഗ്ഗോയ് /iggooy said...

ഇഷ്ടപ്പെട്ടു.

asmo puthenchira said...

nakshathra rathrikalil boomiyil viriyunna kavitha.

രാമചന്ദ്രൻ വെട്ടിക്കാട്ട് said...

ഇഷ്ടപ്പെട്ടു മാഷേ..

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

ഫേസ് ബുക്കില്‍

chintha.com

പഴയ ലക്കം

FEEDJIT Live Traffic Feed


  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP