Thursday, October 20, 2011

അസ്മോ പുത്തൻചിറ

















രു തൂവൽ മാത്രം
നമുക്കായ് ബാക്കി വച്ച്
വെയിൽ തിന്നും പക്ഷി
സനാഥനായി.
സ്വപ്നങ്ങളില്ലാത്ത
എകാകിയുടെ
കാലൊച്ചകൾക്കായ്
കാതോർത്തിരിക്കും
തെരുവിനെ
അനാഥമാക്കി.

യാത്രകളുടെ ഭാരം
എവിടേയും
ഇറക്കിവെക്കുന്നവൻ
ഒരിക്കലും സ്വന്തം
വീട്ടിലേക്കുള്ള വഴി
അറിയാത്തവൻ

അഴുക്കിനോട് പ്രതികരിക്കാൻ
സ്വയം അഴുക്കിന്റെ
പ്രതീകമായവൻ
കരുണയില്ലാത്തവരോട്
പ്രതികാരം ചെയ്യാൻ
സ്വയം ബുദ്ധനായവൻ.

പ്രണയത്തോട് കലഹിച്ച്
സ്നേഹം
ഉപജീവനമാക്കിയവൻ
പാർശ്വവല്ക്കരിക്കപ്പെട്ടവന്റെ
വേദനകൾക്ക്
നിലവിളിയായവൻ
കവിതയായ് ജീവിച്ച
കവിയല്ലാത്ത
മഹാകവി.

3 വായന:

പുതു കവിത said...

പ്രണയത്തോട് കലഹിച്ച്
സ്നേഹം
ഉപജീവനമാക്കിയവൻ
പാർശ്വവല്ക്കരിക്കപ്പെട്ടവന്റെ
വേദനകൾക്ക്
നിലവിളിയായവൻ
കവിതയായ് ജീവിച്ച
കവിയല്ലാത്ത
മഹാകവി.

ജസ്റ്റിന്‍ said...

കവിതയായ് ജീവിച്ച
കവിയല്ലാത്ത
മഹാകവി.

MOHAN PUTHENCHIRA മോഹന്‍ പുത്തന്‍‌ചിറ / THOONEERAM said...

നന്നായി, അയ്യപ്പന്റെ സ്മരണയില്‍ ഒരു കവിത. അഴുക്കിനോട് പ്രതികരിക്കാന്‍ സ്വയം അഴുക്കിന്റെ പ്രതീകമായവന്‍ - എന്ന വരികളില്‍ അയ്യപ്പന്‍ നയിച്ച ബൊഹീമിയന്‍ ജീവിതത്തിന്റെ മുഴുവന്‍ ചിത്രവുമുണ്ട്.

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

ഫേസ് ബുക്കില്‍

പഴയ ലക്കം

FEEDJIT Live Traffic Feed

  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP