.jpg)
ഇരുതല മൂരി
വെള്ളിമൂങ്ങ
നാലുവരിയാക്കാന്‍
കൂരപൊളിച്ച കുടുംബങ്ങളുടെ
കണ്ണീരിന്റെ
ഉപ്പ്‌
പനിയുടെ
പുളിപ്പ്‌
വില്‍പനക്കിടയില്‍
പിടിക്കപ്പെട്ട ഇരകളുടെ
മുഴുമുഴുപ്പ്‌
മിഴിനീര്‍
ഡെസ്ക്കില്‍ വാര്‍ത്തകളുടെ വിരുന്ന്‌
ഞാനിന്ന്‌ സന്തോഷവാനാണ്‌
കത്തിക്കരിഞ്ഞ ശവങ്ങളുടെ
മടിക്കുത്ത്‌ തിരയുന്ന
സാമൂഹ്യപ്രവര്‍ത്തകന്റെ
എക്സ്ക്ലൂസീവ്
കണ്ണൂരില്‍ നിന്ന്
തല പോയ
ഒരുടല്‍
കൊച്ചിക്കായലില്‍
ഉടലില്ലാത്ത ഒരു തല
ന്യൂസ്@ഡിന്നര്‍ വിഭവസമൃദ്ധം.
എണ്‍പതാം ജന്മദിനത്തില്‍
ലീഡര്‍
നൂറ്റി അറുപതാമത്തെ പാര്‍ട്ടിയില്‍
വംഗനാട്ടില്‍
ചുവപ്പിന്റെ
അസ്തമയക്കാഴ്ച
പ്രധാനമന്ത്രിക്ക്‌
ചാലക്കമ്പോളത്തില്‍ നിന്ന്
എസ്‌.എം.എസ്‌ മിസൈല്‍.
അഭയാര്‍ത്ഥികള്‍ക്ക്‌
അപ്പവുമായിപ്പോയ
കപ്പല്‍ വിഴുങ്ങിയ
തിമിംഗലത്തിന്റെ ലൈവ്‌.
ജോഹന്നാസ്ബര്‍ഗില്‍ നിന്നുള്ള
ഷക്കീരയുടെ
ഉന്മാദനടനങ്ങള്‍ക്കൊത്ത്‌
മലപ്പുറത്തിന്റെ ആരവം
ഞാനിന്ന്‌ സന്തോഷവാനാണ്‌
ഇനി സ്പോണ്‍സറുടെ
അപ്രൂവല്‍ മാത്രം മതി.
ജയ്‌ ഹോ .......ജയ്‌ ഹോ.....
ഇതാ ആ വിളിയുമെത്തി
ഒഴിഞ്ഞ ആമാശയത്തിനും
നാണപ്പന്‍ ചേട്ടന്റെ
വിളക്കണയാറായ തട്ടുകടയ്ക്കുമിടയില്‍
ഇനി അര മണിക്കൂറിന്റെ ദൂരം മാത്രം
സര്‍ വിമാനദുരന്ത ദൃശ്യങ്ങളില്‍
എയര്‍ഹോസ്റ്റസിന്റെ
മേനി കാണാത്തതിനാല്‍
സ്പോണ്‍സര്‍ പിന്മാറുന്നു.
ഗായത്രീ കത്തിക്കരിഞ്ഞ
ആ അസ്ഥികൂടത്തിന്‌ ഒരടിക്കുറുപ്പെഴുതൂ:
നിങ്ങള്‍ കണ്ടുകൊണ്ടിരിക്കുന്ന
ഈ സാധനം മണിക്കൂറുകള്‍ക്ക്‌
മുമ്പ്‌ സകല ലിംഗങ്ങളെയും
90 ഡിഗ്രി വരെ ഉദ്ധരിപ്പിച്ച
ഒരു മദാലസയായിരുന്നു.
e-mail:thajudheenap@gmail.com
9 വായന:
മുഴുവന്‍ പേര്‌ എ.പി താജുദ്ദീന്‍. കണ്ണൂര്‍ ജില്ലയിലെ പുറവൂര്‍ ഗ്രാമത്തില്‍ ജനനം.ചന്ദ്രിക ദിനപത്രത്തില്‍ സീനിയര്‍ റിപ്പോര്‍ട്ടര്‍. ഇപ്പോള്‍ ബഹ്‌റൈന്‍ യൂനിറ്റില്‍ എഡിറ്റര്‍ ഇന്‍ ചാര്‍ജ്ജ്‌.
e-mail:thajudheenap@gmail.com
mob:00973 38875169
ഇതിലെ അവസാന ഭാഗം എന്നെ വളരെയധികം ഞെട്ടിച്ച് കളഞ്ഞു. ഒരു വല്ലാത്ത സത്യത്തിലേക്ക് വിരള്‍ ചൂണ്ടുന്ന ആ വരികള്‍ ഇവിടെ ഞങ്ങള്‍ പലരെയും പകപ്പിച്ച് കളഞ്ഞു.
അസ്ഥികൂടം കണ്ടാലും
ഉദ്ധരിക്കുന്നവരുടെ കാലം
വരാതിരിക്കട്ടെ .
ന്യൂസ്@ഡിന്നര്‍..!!
സംഭവം ഗംഭീരമായിട്ടുണ്ട്.. ന്യൂസ് ഡെസ്കിന്റെ കണ്ണിലൂറ്റെ ഒരു ലോകക്കാഴ്ച്ച..
ജീവിതത്തിന്റെ നേര്‍ക്കാഴ്ച
മലയാളിയുടെ മാറുന്ന സാഡിസ്റ്റിക് ആസ്വാദനബോധത്തില്‍ ചാലിച്ചെഴുതിയ കവിത
ശവങ്ങളെ ബലാത്സംഗം ചെയ്യുന്ന കാലമെത്തി... പിന്നെയാണോ കരിഞ്ഞ മുല കണ്ടാല്‍ മലയാളിക്ക് ഉദ്ധരിക്കാതിരിക്കാന്‍...? നന്നായിരിക്കുന്നു... ആശംസകള്‍..
കണ്ടതില്‍ കൂടുതല്‍
ഇനി എന്തിരിക്കുന്നു
എഴുതാനായ്......
ഭാഷയിലെ അസാധാരണമായ ഒരു പുതുമയുണ്ട് ഈ കവിതയില്‍. ഒരു ഇടിമിന്നലില്‍ ഒളിപ്പിച്ചിരിക്കുന്ന വാക്കുകള്‍. എന്നാണെന്നറിയില്ല പക്ഷെ നമ്മുടെ ഈ പോക്കിന് ഒരു അവസാനമുണ്ടാകാതെ തരമില്ല, കാരണം കണ്ണുകളെക്കാള്‍ ആഴത്തിലാണ് എന്തായാലും മനസിന്‍റെ സ്ഥാനം. നമുക്ക് ഭ്രാന്തു പിടിക്കും തീര്‍ച്ച...
Post a Comment