പുതുകവിത

ബോറടിക്കുന്ന ഗാന്ധി പാര്‍ക്ക്‌.. ചുറ്റിലും കോട്ടുവായിട്ടു പറക്കുന്ന ലോ-ഫ്ലോര്‍ ബസുകള്‍.. പുറത്തു ബി ടി വഴുതനങ്ങക്കെതിരെ യൊരു പടവെട്ടിന്‍ വിത്ത്.. മുന്‍പില്‍ ഇള വെയിലേട്ടിരിക്കും ചെക്കനില്‍ ചാഞ്ഞ് പെണ്ണ്.. തക്കം കിട്ടുമ്പോഴൊക്കെ മുലകളെ തഴുകി ഉണര്‍ത്തുന്നതില്‍ വ്യാപൃതര്‍.. ഉണര്‍ന്നെണീറ്റാല്‍ അവ പല്ലുതേച്ചു മുഖം കഴുകി ചായ കുടിക്കുമായിരിക്കും.. കാത്തിരിക്കാം...

ചില്ലയില്‍ കാറ്റ് വീശുമ്പോള്‍ പൊഴിഞ്ഞുവീണ വെയില്‍ പിന്നെയും മരത്തില്‍ അള്ളിപ്പിടിച്ചു കയറുന്നുണ്ട്. ഒരുനാളും ഉണങ്ങാത്ത പച്ചത്തുണി വിരിച്ചിട്ടപോലുള്ള വയലിന്‍െറ അടുത്താണാമരം. മരത്തിനു താഴത്തെ തിട്ട മാടിവിളിക്കാറുണ്ട് കുറച്ചകലെയുള്ള പുഴയെ. അതാകാം മഴക്കാലം തുടങ്ങുന്ന കാലം ഒഴുക്കിന്‍െറ കൈപിടിച്ച് പുഴയിവിടെ വരെ വന്നു തിട്ടകടക്കുവാനാവാതെയ- ണച്ചണച്ചു നില്ക്കുന്നത്. മഴ നിന്ന നില്പില്‍ മാഞ്ഞുപോകും പുഴയും മെല്ലെ മടങ്ങിപ്പോകും വെയിലതു കണ്ടു മരത്തില്‍ കയറിയിരുന്നു ചിരിതന്നെ, ചിരിമാത്രം അവിടെ പോയിരുന്നാലും കിടന്നാലും ആരും അറിയാറില്ല. മണ്‍തിട്ടയൊരസ്സല്‍ കിടക്കതന്നെ മറയായി, പച്ചപ്പുതപ്പുനൂലായ് പുല്ലിന്‍ തലപ്പുകള്‍ കൈകളാട്ടി മറച്ചുവയ്ക്കുമാരേം അതാകാം പാമ്പ് ഇണചേരും പോലെ അവിടെ രണ്ടാള്‍ ചേര്‍ന്നിരുന്നെന്തോ ചെയ്യേ അതാണോ പെണ്ണോ, അതാണോ ആണോ അറിയില്ല, കാറ്റടിക്കുമ്പോള്‍ പൊഴിഞ്ഞുവീണ വെയില്‍ മരത്തില്‍ അള്ളിപ്പിടിച്ചു കയറുന്നമാത്രം കാണാം..