Friday, February 13, 2009

രണ്ട് പ്രണയ കവിതകള്‍




ചിരഞ്ജീവി

ശൈലന്‍


ഓര്‍മ്മയെയാണ്
തെരഞ്ഞു
തെരഞ്ഞുപോയത്..

കണ്ടു കിട്ടിയത്
ഒരു
തെങ്ങിനെയാണ്..

പണ്ട്
അവള്‍
പശുവിനെ കെട്ടാന്‍
വന്നപ്പോള്‍
ചാരിനിന്നത്..

പിന്നെയെന്നോ
ഇടിവെട്ടി
മണ്ട കത്തിപ്പോയത്...

പ്രണയക്കരിക്കിടാന്‍
കേരിപ്പോയവന്‍
അവിടെത്തന്നെ-
യിരിക്കുന്നു..


സൌഗന്ധികം തേടിപ്പോവുന്ന കവി

നാസ്സര്‍ കൂടാളി

തളിരിലകള്‍
പേറുന്നൊരു
ഹൃദയമുണ്ടവള്‍ക്ക്
പച്ച നീരാവിയായ് വന്ന്
എന്നിലെ
ഉഷ്ണ ജല പ്രവാഹങ്ങളെ
ആറ്റിത്തണുപ്പിക്കുന്നു.

കവിതയില്‍
ഞാനിന്ന്
സൌഗന്ധികം തേടിപ്പോവുന്നു.
കാത്തിരിക്കാനും
യാത്രയയ്ക്കാനും
ഒരാള്‍.

വേദനയേക്കാള്‍
മുറിവാണ് വലുത്
സ്നേഹിക്കുന്നവന്
ഒരു തളിരില
തലയിലൊരു മുള്‍ക്കിരീടവും.

സ്നേഹം കൊണ്ട് പൊള്ളിച്ച്
എനിക്കൊരിലപ്പച്ച
നല്‍കിയവളേ
നീയേണ്ടെ
ശൈത്യത്തിലേക്ക്
മടങ്ങിപ്പോവുക
പകരം
ഒരു ഹരിതോദ്യാനം
ഞാന്‍
സ്വപ്നം കാണട്ട

3 വായന:

മുഹമ്മദ്‌ സഗീര്‍ പണ്ടാരത്തില്‍ said...

ഈ മണ്ട കത്തിപോവാത്ത ആ ചിരഞ്ജിവിയാകുമോ ഹരിതോദ്യാനം സ്വപ്നം കണ്ടവന്‍!!!

മഴക്കിളി said...

നാസ്സര്‍ക്കാ,
“ഐന്‍സ്റ്റീന്‍ വയലിന്‍ വായിക്കുമ്പോള്‍“
എന്ന താങ്കളുടെ കവിതാസമാഹാരം വൈകിയാണെകിലും വായിച്ചു..
അതില്‍ പല കവിതകളും മനസ്സിലൂടെ ശാന്തമായിത്തന്നെ കടന്നുപോയി..ഒരുപാട് പോറലുകള്‍ തന്നുപോയവയും... ചിലതൊക്കെ എന്റെ വാതിലുകളെ ഇനിയും തുറന്നതുമില്ല...
അഭിനന്ദനങ്ങള്‍...

anoop said...

ഇന്നലെ പെയ്ത മഴയില് നിന്റെ പ്രണയത്തിന്റെ
കുളിരുണ്ടായിരുന്നു ...,കണ്ണീരിന്റെ നനവും .
വിടചൊല്ലിയ ഒരു രാവ് കൂടി എന്നോട് പിണങ്ങി ;
നിന്നെ കരയിച്ചതിന്...
നിലാവിന്റെ മടിയില് നീ മയങ്ങുമ്പോഴും ഞാന്
തിരിച്ചറിഞ്ഞില്ല ; നിനക്ക് പ്രണയമാണെന്ന് ...
ഇനിയുള്ള പുലര്കാലം നിന്റെയാണ് ..
നിന്റെ മാത്രം .,

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

ഫേസ് ബുക്കില്‍

പഴയ ലക്കം

FEEDJIT Live Traffic Feed

  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP