Saturday, February 4, 2012

സംപ്രീത

പുണ്യം 
രാത്രി,
എല്ലാ നിശബ്ദതകളും വന്ന്
ചെറിയ നിശബ്ദതകളെ ഉയിര്‍പ്പിക്കുന്ന സമയം
പതിവായികേള്‍ക്കുന്ന ഘടികാരത്തിന്റെ നിമിഷമടികള്‍
ഫാനിന്റെ ചിറകൊച്ചകള്‍
മറിഞ്ഞുതിരിയുന്ന ഉറക്കത്തിന്റെ അടയാളപ്പെടുത്തലുകള്‍
വിശപ്പുമാറ്റിയ പകലില്‍നിന്നും ദൂരെയായി..
ഓര്‍മയില്ലാതായവയുടെ അറിവില്ലായ്മകള്‍
തലയിണയില്‍ ഉയര്‍ത്തിവച്ച്
ഓര്‍ത്തും,നടിച്ചും,ഞെട്ടിയുണര്‍ന്നും,
ഒന്നുമറിയാതെ ഉള്ളിലെ ഭ്രാന്ത് പുറത്തുവന്നും
ശരിയായി ജീവിക്കാന്‍ ആരംഭിക്കുന്നു.
കൈകാലുകള്‍ തീപ്പന്തമേറ്റിയമാതിരി
കുതിപ്പും,കിതപ്പും,അറിയുന്നു
മനസിന്‍റെ സിംഹാസനം അതിനു കടം കിട്ടുന്നു.
ലോകം,സംഗതികള്‍,ന്യായാന്യായങ്ങള്‍,
തൂക്കുപട്ടികയില്‍ ഉള്‍പ്പെടുത്തി
സത്യങ്ങളുടെ തിരശീല വിരിക്കുന്നു
നക്ഷത്രസ്വപ്‌നങ്ങള്‍,മുറിനിലാവുകള്‍,
ജനാലകള്‍ തുറക്കുന്നില്ല.
അയലുകളിലേക്കോ,
അമരങ്ങളിലേക്കോ,ഹൃദയം.

3 വായന:

പുതു കവിത said...

ജനാലകള്‍ തുറക്കുന്നില്ല.

അയലുകളിലേക്കോ,

അമരങ്ങളിലേക്കോ,ഹൃദയം

Vinodkumar Thallasseri said...

എല്ലാ നിശബ്ദതകളും വന്ന്
ചെറിയ നിശബ്ദതകളെ ഉയിര്‍പ്പിക്കുന്ന സമയം

രാത്രി; ശബ്ദമില്ലാത്ത ശബ്ദങ്ങളും രൂപമില്ലാത്ത രൂപങ്ങളും...

asmo puthenchira said...

രാവിന്ടെ പുണ്യം, സ്വപ്നനിലാവിന്ടെ കവിത.

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

  • പാഴ്സൽ - *ന*ഗ്നതയുടെ തോന്നലോ ലജ്ജയോ ഇല്ലാതെ ഒരു കോഴി ദുർമേദസ്സുരുകിയൊലിച്ച് നെഞ്ചു തുളച്ചിട്ട ദു:സ്വപ്നങ്ങളിൽ കറങ്ങുന്നു അതിനെ തിന്നാൻ വിശന്ന വായിൽ കാത്തിരിപ്പുണ്ട്...
  • സമയം, കാമന: ചരിത്രത്തിന്റെ അമ്പടയാളങ്ങള്‍ - എണ്‍പതുകളിലെ കുട്ടിക്കാലത്ത് അമ്മവീട്ടില്‍ ചുവരില്‍ ഫ്രെയിം ചെയ്തു തൂക്കിയിരുന്ന ബ്‌ളാക്ക് ആന്റ് വൈറ്റ് ഫോട്ടോകള്‍ ഓര്‍ക്കുന്നു. അമ്മാവന്‍മാര്‍ കൂട്ടുകാര...
  • കടുക് - ആറിന്റെ നടുക്കൊരു കെട്ടുവള്ളം അതില്‍ കല്ലുകൂട്ടിയ അടുപ്പ് കലം കുഴലിലൂടെ വരും വാറ്റുചാരായം രാത്രിയിലിരുട്ടില്‍ നാലുപേര്‍ നീന്തിയെത്തുന്നു ചൂടു ചാരായം വെള്ളത...
  • മുറിവുകളെപ്പറ്റി ജീവിക്കുന്നതിന്റെ - മറവിയുടെ പൊറുതിയില്ലാത്തവര്‍ മുറിവുകളെപ്പറ്റി ജീവിച്ചുകൊണ്ടിരിക്കുന്നു. മുറിവുകള്‍ എന്നാണ് മുറിവുകളെ എന്നാണ് മുറിവുകളേ എന്നുമാണ് ഓരോ മുറിവും ഒരു ജീവിയാണ്. ...
  • കോളറക്കാലത്തിലിനി... - 1. ചില മരണങ്ങൾ ഓർമ്മയൊട് ചെയ്യുന്നത് അരിച്ചെടുക്കാൻ ഒരു വാക്കുപോലുമില്ലാത്ത കലക്കമായിരിക്കാം പത്ത് തെങ്ങുകളുടെ പൊക്കമുള്ള ഒരു രാക്ഷസൻ തിരമാലയായി അത് ...
  • വീട്ടിലേക്കുള്ള വഴി - വീടായിരുന്നു മറുപടി നാവുനീട്ടുന്ന മരണം കൊതിയൂറി ഒളികണ്ണിട്ടപ്പോഴൊക്കെ അതാവര്‍ത്തിച്ചു, വീടുണ്ട്, വഴിക്കണ്ണുണ്ട്. വിശപ്പിനേക്കാള്‍ തീയുള്ള നിരാശ കൈനീട്ട...
  • ലാപ്ടോപ് കനവ്‌ - ഷട്ട് ഡൌണ്‍ ചെയ്തതേയുള്ളൂ . വെബ്‌ കാം മിഴിയില്‍ നിന്ന് ഒരു മിന്നാമിന്നി മഴവില്ല് വരച്ച് എന്റെ രാത്രിക്കിടക്കയില്‍ പാറി വന്നിരിക്കുന്നു. പണ്ടെപ്പോഴോ പിരിഞ്ഞ...
  • മഴയ്ക്കുശേഷവും പെയ്യുന്ന മരം - ഒരു പനയല്ലാതെ ബാക്കിയെല്ലാം നാട്ടിലെപ്പോലെ തോന്നി. ഗോപിയേട്ടന്റെ വീട് വീട്ടുകാര്‍... അന്തരീക്ഷം. അമ്മയും അമ്മാവനും പെങ്ങളും മണത്തു വിടരുന്ന ഉദ്യാനം. ...

ഫേസ് ബുക്കില്‍

പഴയ ലക്കം

FEEDJIT Live Traffic Feed

  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP