Monday, February 2, 2009

കലേഷ്.എസ്


നമ്മുടെ ജീവിതത്തില്‍

നമ്മുടെ ജീവിതത്തില്‍ നടക്കാതെ പോയ
ആ ദിവസമില്ലേ
അതിന്‍റെ
ഒന്നാം വാര്‍ഷികമാണിന്ന്


വളരെ പണിപ്പെട്ടിട്ടും
തൊഴിലടക്കം
ഒന്നും നേടാനായില്ല
വെറുതെ പട്ടണം ചുറ്റിക്കണ്ടു നടന്നതല്ലാതെ

നീ പിരിഞ്ഞു പോയതില്‍ പിന്നെ
വലിയ വലിയ ആഗ്രഹമായിരുന്നു.
സിനിമാകഥകളിലേ പോലെ
വലിയൊരാളായി
പെട്ടെന്നെന്നെ പണിഞ്ഞെടുക്കണമെന്ന്
എന്നിട്ട്
ഒരു ദിവസം
നിന്‍റെ മുമ്പില്‍ പ്രത്യക്ഷനാകണമെന്ന്
എന്നെ കളഞ്ഞു പോയ നിനക്ക്
ഒരു വന്‍ നഷ്ടം തോന്നിപ്പിക്കണമെന്ന്

എന്നിട്ടും
നഷ്ടങ്ങളുടെ ദിവ്യമായ തൊപ്പിമാത്രമാണ് നേടിയത്
ഇപ്പോളിതാ ഒരു വര്‍ഷം.
ഇനിയും വര്‍ഷങ്ങള്‍
അതിലടുക്കി വച്ച ദിവസങ്ങള്‍
നീയില്ലാതെ വന്ന്,
ഓര്‍മ്മയില്‍ നിന്ന്
നിന്നെയും കൂട്ടി പോകും

നിന്നെ ഓര്‍ക്കാതെയിരുന്ന
ദിവസത്തിനു വേണ്ടിയാണീ കാത്തിരിപ്പ്
അന്ന് വായിക്കാന്‍ വേണ്ടിയാണീ കവിത
ഞാനെഴുതി വയ്ക്കുന്നത്.

5 വായന:

PR REGHUNATH said...

theerchayayum.

SHYLAN said...

ninneppole thanne
enikkum ithu
feel cheyyaanaavunnund...

life said...

oru naal enikku koodi vaayikkan kaleshe.......

ചങ്കരന്‍ said...

മനോഹരമായ കവിത, നിരാശയുടെ കവിത

റ്റിജോ said...

kollam.kurekkoodi thee venamayirunnu.

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

ഫേസ് ബുക്കില്‍

പഴയ ലക്കം

FEEDJIT Live Traffic Feed

  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP