Thursday, April 10, 2008

വിഷ്ണു പ്രസാദ്


അറിയ്ന്നുണ്ട് ഒന്നും പറഞ്ഞില്ലെങ്കിലും



മൊട്ടുകളില്‍ പൂക്കളെ എത്രനാള്‍
ഒളിച്ചുവെക്കാം ഒരു ചെടിക്ക്...
മേഘങ്ങള്‍ക്ക് മഴത്തുള്ളിയെ
എത്രകാലംഒളിച്ചുവെക്കാം...
വായുവിനെ തള്ളിയും
ഭൂമിയെ ചവുട്ടിയും
അടയാളങ്ങളൊന്നും
വെക്കാതെ
ഓടുവാനാവുമോ ഒരു മാനിന്?
മുളയ്ക്കല്ലേ,മുളയ്ക്കല്ലേ
എന്ന് ധ്യാനിച്ച്
എത്ര നാള്‍ ഒളിപ്പിക്കാനാവും
പൂണ്ടുപോയ വിത്തുകളെ
മണ്ണിന്?
ആയതുകൊണ്ട്,
നിഗൂഡതകളേ,
നിങ്ങളുടെ നിഗൂഡതകള്‍
നിങ്ങള്‍ക്ക് നിലനിര്‍ത്താനാവില്ല.
ഓരോ നിമിഷവും ഒരു താക്കോലാണ്;
അനേകം രഹസ്യങ്ങളെ
തുറക്കുന്ന താക്കോല്‍.
അങ്ങനെ എത്രയെത്ര
രഹസ്യ വാതിലുകളെ
തുറന്ന് തുറന്ന് തുറന്നാണ്
ഓരോ ജീവിതവും മുന്നോട്ടുപോവുന്നത്!
അടച്ചുവെച്ചിരിക്കുന്ന
ഈ മീന്‍‌കറിയും ചോറും
ഉച്ചവിശപ്പ് തുറന്നു തിന്നും കൂട്ടുകാരാ...

7 വായന:

അനൂപ്‌ എസ്‌.നായര്‍ കോതനല്ലൂര്‍ said...

നിങ്ങളുടെ നിഗൂഡതകള്‍
നിങ്ങള്‍ക്ക് നിലനിര്‍ത്താനാവില്ല
ശരിയാണു താങ്കള്‍ പറഞ്ഞത് വളരെ സന്തോഷമുള്ള കാര്യാമാണു

ദ്രൗപദി said...

മാഷേ
അതിമനോഹരമായ കവിത

ആശംസകള്‍

ഫസല്‍ said...

ഇതെല്ലാതെ പിന്നെയേതാണ്‍ കവിത,
ആശംസകള്‍

വിനോജ് | Vinoj said...

ഇഷ്ടപ്പെട്ടു.

Anonymous said...

nalla varikal

നീലിമ said...

നന്നായി മാഷെ

മഴക്കിളി said...

അറിയ്ന്നുണ്ട് ഒന്നും പറഞ്ഞില്ലെങ്കിലും...

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

ഫേസ് ബുക്കില്‍

പഴയ ലക്കം

FEEDJIT Live Traffic Feed

  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP