ശുക്കൂര്‍ പെടയങ്ങോട്

ഉടുപ്പ്

പാകമാവാത്ത

ഉടുപ്പിട്ടപ്പോഴാണ്

ഞാന്‍

അവളെ

ഓര്‍ത്തത്.

അവള്‍

ഉടുപ്പഴിച്ചപ്പോഴാണ്

ജീവിതത്തിണ്ടേ

ആഴവും

അളവും

ഞാന്‍

തിരിച്ചറിഞ്ഞത്.

വിമീഷ് മണിയൂര്‍

കറുപ്പ് കവിതകള്‍

1

ഇത്രമേല്‍ കറുക്കുവാന്‍

ഇരുട്ടെത്രനാള്‍

വെയില്‍ കൊണ്ടു.

2

എല്ലാ വെളിച്ചവും

കണ്ണേ

നിണ്ടെ

കറുപ്പിലൂടെല്ലയോ

കാണുന്നത്.

സുനില്‍കുമാര്‍.എം.എസ്

തീ

അഹങ്കരിക്കയെന്നും

വേണ്ട...

ഊതിയൂതി

കണ്ണിലെ വെള്ളം കളഞ്ഞ്

നിനക്ക്

ജീവന്‍ തരുന്നത്,

വയറ്റിലെരിയുന്ന

നിന്നേക്കാള്‍ വലിയൊരുത്തനെ

അടക്കുവാന്‍ വേണ്ടിത്തന്നെയാണ്.

നാസര്‍ കൂടാളി

തടവറയിലെ കുട്ടികള്‍

പുറത്ത് പോയി

തിരിച്ചുവരുമ്പോഴേക്കും

വലിയൊരു മതില്‍‍

പണിതുയര്‍ത്തിയിട്ടുണ്ടാവും

നിനക്ക്

ആകാശത്ത്ചായാന്‍ മാത്രം

പാകത്തില്‍

നീട്ടി വലിച്ച്വച്ചിട്ടുണ്ടാവും അത്

എങ്കിലും

തിരിച്ചു പോവുമ്പോഴക്കും

പൂവുകള്‍

പൂമ്പാറ്റകള്

‍നക്ഷത്രങ്ങള്

‍മറന്നു പോയിട്ടുണ്ടാവും

അപ്പോഴേക്കും

മതിലിനപ്പുറത്തെ

ജീവിതത്തിന്റെ

മറ്റൊരു തടവറയിലേക്ക്

എങ്ങിനെ

മടങ്ങിപ്പോവാനാവുംഅവര്‍ക്ക്.

റഫീഖ് ഉമ്പാച്ചി

വെട്ടി ഒട്ടിച്ചത്

കാടിനെമുഴുവന്‍

വിളിച്ചിരുന്നു

ഒരു പാമ്പു മാത്രം

കനിവോടെഇഴഞ്ഞു വന്നു

കടലില്‍ നിന്നുംവന്നഒറ്റത്തിര

ചില്ലു ഭരണിയില്‍

‍ക്ഷോഭങ്ങളില്ലാതെ

ഇരിക്കുന്നു

പുഴയില്‍ നിന്ന്

മണലിന്‍റെ വേവ് വന്നു

പാടത്തു നിന്ന്

മീന്‍ കണ്ണിനെധ്യാനിച്ചുള്ള

കൊറ്റിയുടെ

മൌനവും

പുലരി മഞ്ഞിനെ

നെല്ലോലഅലക്കുന്ന പാട്ടും

ആകാശം

അയച്ചുതന്നരശ്മികളിലൊന്ന്

ഈര്‍പ്പത്തില്‍കുടുങ്ങി

ഏഴു നിറങ്ങളായിചീന്തി

അപ്പോള്‍

‍പെങ്ങള്‍വറ്റുമായി വന്ന്

ഒതുങ്ങിയിരുന്ന്

ഓരോന്ന്

ഓരോ പേജില്‍എന്ന്

ഒട്ടിച്ചുവെക്കാന്‍ തുടങ്ങി

ജിനേഷ് മടപ്പള്ളി

ഉടുപ്പ്

തീപ്പൊള്ളലേറ്റാണ്

മരിച്ചത്,

ഗ്യാസടുപ്പില്‍ നിന്നോ

മണ്‍ചെരാതില്‍ നിന്നോ

അല്ല,

പ്രണയത്തെ

അടര്‍ത്തി മാറ്റിയ

ഒറ്റ നിമിഷത്തില്‍ നിന്ന്

ഉടലാകെ പടര്‍ന്ന്....

ബിജു നിടുകുളം

കയ്ക്കലത്തുണി*

നാലാള് കാണ്‍കെ

തിരിച്ചും,മറിച്ചും

വില പേശി

വാങ്ങിയത്.

അലക്ക് കല്ലില്‍

തല തച്ച്

ഉടല്‍ വെളുപ്പിച്ച്

ഇസ്തിരിപ്പെട്ടിക്ക്

മലര്‍ന്നും,കമിഴ്ന്നും

നിവര്‍ന്ന് തളര്‍ന്നത്

യാത്രക്കിടയിലലമാര

തിരസ്കരിച്ചത്.

ലുങ്കികള്‍

വഴി നീളെ അനുഗമിച്ച

ഓര്‍മ്മകള്‍

പൊള്ളാതിരിക്കാന്‍

അടുക്കളയില്‍

ചീന്തി

ഇട്ടത്.‍

*അടുക്കളയില്‍ ഉപയോഗിക്കുന്ന തുണി