Friday, November 9, 2007

റഫീഖ് ഉമ്പാച്ചി





കാടിനെമുഴുവന്‍
വിളിച്ചിരുന്നു
ഒരു പാമ്പു മാത്രം
കനിവോടെഇഴഞ്ഞു വന്നു


കടലില്‍ നിന്നുംവന്നഒറ്റത്തിര
ചില്ലു ഭരണിയില്‍
‍ക്ഷോഭങ്ങളില്ലാതെ
ഇരിക്കുന്നു


പുഴയില്‍ നിന്ന്
മണലിന്‍റെ വേവ് വന്നു

പാടത്തു നിന്ന്
മീന്‍ കണ്ണിനെധ്യാനിച്ചുള്ള
കൊറ്റിയുടെ
മൌനവും
പുലരി മഞ്ഞിനെ
നെല്ലോലഅലക്കുന്ന പാട്ടും

ആകാശം
അയച്ചുതന്നരശ്മികളിലൊന്ന്
ഈര്‍പ്പത്തില്‍കുടുങ്ങി
ഏഴു നിറങ്ങളായിചീന്തി
അപ്പോള്‍
‍പെങ്ങള്‍വറ്റുമായി വന്ന്
ഒതുങ്ങിയിരുന്ന്
ഓരോന്ന്
ഓരോ പേജില്‍എന്ന്
ഒട്ടിച്ചുവെക്കാന്‍ തുടങ്ങി

2 വായന:

ചിത്രകാരന്‍chithrakaran said...

മനോഹരമായിരിക്കുന്നു.
വെട്ടിഒട്ടിക്കുംബോള്‍ സംഭവിക്കുന്ന സ്വത്വനഷ്ടം!!!

വിശാഖ് ശങ്കര്‍ said...

അഴിക്കുന്ന ഉടുപ്പുകള്‍ക്കും വേണമല്ലൊ ഒരു പാകം!

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

ഫേസ് ബുക്കില്‍

പഴയ ലക്കം

FEEDJIT Live Traffic Feed

  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP