Thursday, April 7, 2011

നസീർ കടിക്കാട്




മല
ഉരുകിയുരുകി
മടുത്തിട്ടാവണം
മല
മലയിറങ്ങി

വരുന്ന വഴി
കൊഴിഞ്ഞു കൊഴിഞ്ഞു
മടുത്തിട്ടാവണം
അങ്ങോട്ടൊന്നു നോക്കി
ഇങ്ങോട്ടൊന്നു നോക്കി

അവിടൊരാൾ
ഇവിടൊരാൾ
മല കയറുന്നു
മലയിറങ്ങുന്നു

മല
മഞ്ഞു മൂടുന്നു

അവിടെയിവിടെ
മലയാണെന്നും
മനുഷ്യനാണെന്നും
കിളി
കിളി കിളി പറന്നു പോകുന്നു
മല
ഇക്കിളി
ഇക്കിളിക്കിളി
ചിരിച്ചു ചിരിച്ച്
അയാൾക്കും ചിരി പൊട്ടി
ഇയാൾക്കും ചിരി പൊട്ടി
ചിറകിലക്കിളി
ചിറകിലിക്കിളി
ചിരിച്ചു ചിരിച്ച്

കിളിയാണോ
കിക്കിളിയാണോ
ചിരിച്ചു ചിരിച്ചു ചിരിച്ച്
മഴ
തണുത്തു തണുത്ത്
ഒന്നു ചിരിച്ചതേയുള്ളൂ
കടലിൽ നിന്നു കേട്ടു
മത്സ്യം
ഇക്കിളിയാകുന്നതിന്റെ
അലർച്ച

2 വായന:

പുതു കവിത said...

തണുത്തു തണുത്ത്
ഒന്നു ചിരിച്ചതേയുള്ളൂ
കടലിൽ നിന്നു കേട്ടു
മത്സ്യം
ഇക്കിളിയാകുന്നതിന്റെ
അലർച്ച

jayarajmurukkumpuzha said...

aashamsakal......

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

ഫേസ് ബുക്കില്‍

പഴയ ലക്കം

FEEDJIT Live Traffic Feed

  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP