Thursday, November 13, 2008

എം.ആര്‍.വിബിന്‍


മുടിയിഴ


ഒതുക്കി
വെച്ചതില്‍ നിന്നു
ഏരെ നാള്‍ കൂടി അണിയാന്‍ എടുതതനു‌
ഈ വസ്ത്രതെ ..

കൃത്യം
മൂനമത്തെ കുടുക്കില്‍ കുരുങ്ങി
അത് വളഞ്ഞു നീണ്ടു കിടക്കുന്നു.
മുക്കാലും വെളുത്തു

പതിയെ കുനിഞ്ഞു മണത്തു നോക്കിയുരപ്പിച്ചു
ഒരൊറ്റ മുടിയിഴക്ക് പകരാന്‍ കഴിയുന്ന
മുഴുവന്‍ അമ്മ മണതേയും

മുന്പ്
എല്ലായിടത്തും ഉണ്ടായിരുന്നു ഇതു
ചോറില്‍ ,കറിയില്‍
തറയില്‍ ,തുണിയില്‍
സോപ്പില്‍ ,ചീപില്‍ ..

വിരലില്‍ കോര്‍ത്ത്‌ ,മുഖതോടടുപ്പിച്ചു
മണമറിയാതെ ,അറപ്പോടെ അലറുമായിരുന്നു
'ഈ മുടിഞ്ഞ മുടി" എന്ന്
ദീനമായൊരു നോട്ടം വന്നു
അതിന്‍ തുമ്പിലെ കുരുക്കില്‍
തൂങ്ങി മരിക്കുമായിരുന്നു ..

ഇപ്പോള്‍
ഞാന്‍ എന്ത് ചെയ്യും ഇതിനെ ?
അഴുക്കു മാത്റം നിറഞ്ഞിടത്
ഒരു അമ്മ മരം
പൊഴിച്ചിട്ടു പോയ
വിശുധതയുടെ
ഈ അവസാനത്തെ ഇലയെ ?

6 വായന:

ഭൂമിപുത്രി said...

ബാക്കിയാകുന്നത്
ഒരു കൊച്ചളുക്കിൽ സൂക്ഷിച്ച് വെച്ചോളു
മനസ്സിന്റെയൊരു മൂലയിൽ..
എവിടെയോ തൊട്ടു ഈക്കവിത!

രാമചന്ദ്രന്‍ വെട്ടിക്കാട്ട്. said...

ഓര്‍മ്മ ചെപ്പുകള്‍ക്കുള്ളില്‍ സൂക്ഷിച്ചു വെക്കുക.

sv said...

ചേര്‍ത്ത് വെയ്ക്ക് ഹൃദയത്തോട് ....

ആശംസകള്‍

ചെറിയനാടൻ said...

ഓർമ്മകളൂടെ ഓർമ്മകളിലൂടെ....

നന്നായിരിക്കുന്നു കവിത

ചില കൂട്ടക്ഷരപ്പിശകുകൾ കാണുന്നത് പറയട്ടേ,

ഈ വസ്ത്രതെ .. – വസ്ത്രത്തെ
മൂനമത്തെ – മൂന്നാമത്തെ
നോക്കിയുരപ്പിച്ചു -നോക്കിയുറപ്പിച്ചു
മണതേയും – മണത്തേയും
മുഖതോടടുപ്പിച്ചു – മുഖത്തോടടുപ്പിച്ചു
വിശുധതയുടെ - വിശുദ്ധതയുടെ

തുടങ്ങിയവ...

ആശംസകൾ

മഴക്കിളി said...

നന്നായിരിക്കുന്നു വിബിന്‍...
ആശംസകള്‍...

വരവൂരാൻ said...

ഒരു അമ്മ മരം
പൊഴിച്ചിട്ടു പോയ
വിശുധതയുടെ
ഈ അവസാനത്തെ ഇലയെ ?
മനോഹരമായിരിക്കുന്നു ഈ വരികൾ

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

ഫേസ് ബുക്കില്‍

പഴയ ലക്കം

FEEDJIT Live Traffic Feed

  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP