ലോക മലയാളികള്‍ക്കായി പുതു കവിത നടത്തിയ പ്രഥമ പുതു കവിതാ അവാര്‍ഡ് രാജു ഇരിങ്ങലിന്.ബൂലോകത്തില്‍ നിന്ന് പ്രശസ്തരും അപ്രശസ്തരുമായ 185 ഓളം കവികള്‍ മത്സരത്തില്‍ പങ്കെടുത്തു. ബൂലോകത്തിലെഎഴുത്തുകാരുടെ ദിശാബോധവും രചനകളിലെ വ്യത്യ്‌സ്തതയും പുതു കവികളിലെ ശക്തിയെ വെളിവാക്കുന്നതായി ജഡ്ജിങ്ങ് കമ്മിറ്റി വിലയിരുത്തി. കണ്ണൂര്‍ പരിയാരം സ്വദേശിയായ രാജു ഇപ്പോള്‍ ബഹറൈനില്‍ ഓഡിറ്ററായി ജോലി ചെയ്യുന്നു.ജൂലൈ അവസാന വാരം പുതു കവിത സംഘടിപ്പിക്കുന്ന കവിതാശില്പശാലയില്‍ അവാര്‍ഡും പ്രശസ്തിപത്രവും സമ്മാനിക്കുന്നതാണ്.മത്സരത്തില്‍ പങ്കെടുത്ത എല്ലാവര്‍ക്കും അഭിനന്ദങ്ങള്‍.
മത്സരത്തില്‍ ഒന്നാം സമ്മനാര്‍ഹമായ കവിത
ഒരു കാറ്റിന്റെ കഥ
ഒരു കാറ്റു വന്നപ്പോഴാണ്
തലയിലെ ഇലയനങ്ങിയത്
ഇലയനങ്ങിയപ്പോഴാണ്
ഇരകളെല്ലാം ഓടി മാളത്തിലൊളിച്ചത്
ഒരു മാളം തുരന്നപ്പോഴാണ്
ദ്രവിച്ചു തീരാത്ത
ഒരസ്ഥി കയ്യില്‍ തടഞ്ഞത്.
ഒരു മനുഷ്യന്റെതാകാം
ഒരു കാട്ടു മൃഗത്തിന്റെതാകാം
ഒരിക്കലും തെളിയാത്ത
ഒരു കൊലപാതകത്തിന്‍റെ തെളിവുകളാകാം.
കടലില്‍ തീ പിടിച്ചപ്പോഴാണ്
കാറ്റ് ആ തലയില്‍ ഇരിപ്പിടം തേടിയത്
എല്ലാ വൈകുന്നേരങ്ങളിലും
തലക്കുടുക്കയിലൊരു
ഇരമ്പാര്‍ന്നൊരു കിളി എത്തുന്നു.
കഥപറയാനോ
അയവിറക്കാനോ
ഏതോ രാക്ഷസന്റെ ഊതലില്‍ നിന്ന് ഉറ പൊട്ടിയ
നീളമേതെന്നറിയാത്ത ദിക്കു തെറ്റിയ പട്ടം
കുതികുതിച്ചീ തലപ്പെരുപ്പിലൊരു
ഇടത്താവളം കണ്ടെത്തിയ പോലെ
ഇന്നുമാത്രമല്ലേ..
ഒരു സഹായമല്ലേ..
കരുണയല്ലേ...
എന്നേ കരുതിയുള്ളു
തളര്‍ന്നിരിക്കാനൊരു ദിവസമെങ്കിലും വേണമല്ലോ
ചാഞ്ഞ കൊമ്പിലല്ലേ കൂടൊരുക്കാന്‍ പറ്റൂ..!
നാളെ ഞാനിവിടെ
ഉണ്ടാകില്ലെന്ന് എങ്ങിനെ പറയും?
അറിയാതെ പറന്നെത്തി എന്റെ തലയന്വേഷിച്ച്
കാണാതെ വട്ടം ചുറ്റുന്ന കാറ്റ്
എന്നെ ശപിക്കുമോ?
അതോ തിരിച്ചു പോകാന്‍ വഴിയറിയുമോ??
ഉപ്പുവെള്ളതില്‍ ലയിക്കുന്ന
കാറ്റിനെ എനിക്ക് സങ്കല്പിക്കാന്‍ കഴിയില്ല
ആയതിനാല്‍
ദ്രവിച്ചു തീരാത്ത
ഒരസ്ഥിയായ്
ഈ മണ്ണില്‍ ഞാന്‍
ഒരു കാറ്റിനായ് കാത്തിരിക്കട്ടേ.....
14 വായന:
അഭിനന്ദനങ്ങള്‍ രാജു........എല്ലാ ഭാവുകങ്ങളും. പുതികവിത പൊലുള്ള സംരംഭങ്ങള്‍ക്കും, അഭുനന്ദനങ്ങല്‍ , ഇതു പൊലുള്ള നല്ല കാര്യങ്ങള്‍ ചെയ്യുന്നതിന്.
ഇരിങ്ങലിന് അഭിനന്ദനങ്ങള്‍!!
രാജുവിനു് അഭിനന്ദനങ്ങള്‍ .:)
“ഉപ്പുവെള്ളതില്‍ ലയിക്കുന്ന
കാറ്റിനെ എനിക്ക് സങ്കല്പിക്കാന്‍ കഴിയില്ല
ആയതിനാല്‍
ദ്രവിച്ചു തീരാത്ത
ഒരസ്ഥിയായ്
ഈ മണ്ണില്‍ ഞാന്‍
ഒരു കാറ്റിനായ് കാത്തിരിക്കട്ടേ.....“
രാജു ഇരിങ്ങലിന്റെ വളരെ നല്ല വരികള്‍!.
ഹരിതകത്തില്‍ പ്രസിദ്ധീകരിച്ച ഒരു കാറ്റിന്റെ കഥ എന്ന കവിതയ്ക്കാണ് പുതുകവിത അവാര്‍ഡ് ലഭിച്ചതെന്നാണറിയാന്‍ കഴിഞ്ഞത്.
രാജു ഇരിങ്ങലിന് എന്റെ സ്നേഹം നിറഞ്ഞ അഭിനന്ദനങ്ങള്‍. ഒപ്പം പുതുകവിതാ ടീമിനും.
രാജു ഇരിങ്ങലിന് ഹൃദയം കൊണ്ടൊരാലിംഗനം
രാജു ഇരിങ്ങലിന് എന്റെ സ്നേഹം നിറഞ്ഞ അഭിനന്ദനങ്ങള്‍.
അപ്പ് അപ്പ് രാജു ഇരിങല്‍. ചിലവെപ്പഴാ?
ഉപ്പുവെള്ളതില്‍ ലയിച്ചു പോകാത്ത കാറ്റുപോലെ
ദ്രവിച്ചു തീരാത്ത അസ്ഥി പോലെ,
നിന്റെ കാവ്യജീവിതം ഇതുപോലെ നിരവധി
അടയാളപ്പെടുത്തലുകളില്‍ കൂടെ കടന്ന് പോവട്ടെ.
ഒരു കാറ്റിന്റെ കഥക്ക്,
പ്രിയപ്പെട്ട രാജുവിന്,
നൂറായിരം ആശംസകള്‍
രാജു,
കവിത വളരെ നന്നായിരുന്നെന്ന് അന്നേ പറഞ്ഞതല്ലേ? ഇതാ, ഇപ്പോള്‍ അവാര്‍ഡും!
-അഭിനന്ദനങ്ങള്‍....
രാജു
അഭിനന്ദനങ്ങള്‍!
ആദ്യമായാണ്‌ വായിക്കുന്നത്‌
വളരെ നന്നായിരിക്കുന്നു
അവാര്‍ഡിന്‌ അഭിനന്ദനങ്ങള്‍ രാജു..
കടലില്‍ തീ പിടിച്ചപ്പോഴാണ്
കാറ്റ് ആ തലയില്‍ ഇരിപ്പിടം തേടിയത്
എല്ലാ വൈകുന്നേരങ്ങളിലും
തലക്കുടുക്കയിലൊരു
ഇരമ്പാര്‍ന്നൊരു കിളി എത്തുന്നു.
കഥപറയാനോ
അയവിറക്കാനോ
rajuvinum;
nazarinum
kavithaykkum....
sneham, nanma, asamsakal....
പ്രീയപ്പെട്ടവരേ..,
നിങ്ങളുടെ സ്നേഹമാണെനിക്ക് അവാര്‍ഡ്
അതില്‍ കവിഞ്ഞ് എന്ത് അവാര്‍ഡ്. എഴുത്തിനെ സ്നേഹിക്കുന്നവരേ..എന്നെ സ്നേഹിക്കുന്നവരെ അഭിനന്ദങ്ങള്‍ നല്‍കിയ ഓരോരുത്തരേയും സ്നേഹത്താല്‍ ആലിംഗനം ചെയ്യുന്നു.
ഈ കവിതയ്ക്ക് എനിക്ക് പ്രേരണയൊ നിമിത്തമോ ആയത് കവയിത്രി ദേവസേനയണ്. ഈ അവാര്‍ഡ് അവര്‍ക്കു മുമ്പില്‍ സ്നേഹാദരപൂര്‍വ്വം സമര്‍പ്പിക്കൂന്നു.
പുതു കവിത ടീ അംഗങ്ങളേ.. ശ്രീ നാസര്‍ കൂടാളീ.. എന്നെ തിരഞ്ഞെടുത്തതിന് നന്ദി സഹോദരാ..
ഈ പുരസ്കാരം നല്ല കവിത എഴുതാന്‍ എനിക്ക് ശക്തിയും തണലുമാകട്ടേന്ന് പ്രാര്‍ത്ഥിക്കുന്നു.
സ്നേഹപൂര്‍വ്വം
ഇരിങ്ങല്‍
“.....നിങ്ങള്‍ക്കില്ലാത്ത ടൈഫോയ്ഡ് എനിക്കെന്തിനാണ്....ഒരായിരം അവാര്‍ഡുകളേക്കാള്‍....“
അതൊന്നും വേണ്ട മാഷേ....
(ഒന്നും കരുതരുതേ ഈ പാവം ഒന്നു തമാശിച്ചതാ)
അഭിനന്ദനങ്ങള്‍.....
അഭിനന്ദനങ്ങള്‍......
Post a Comment