തോല്‍‌വി
ഏറ്റുമുട്ടി,
കണ്ടുമുട്ടിയപ്പോഴൊക്കെ,
എന്റെ ശരികളും
നിന്‍റെ ശരികളും
തമ്മില്‍.
നിന്‍റെ ശരികള്‍
തോല്‍ക്കാന്‍
ഭാവിച്ചപ്പോഴൊക്കെ
നീ കരഞ്ഞു,
എന്റെ തോല്‍‌വിയില്‍ ഞാനും.
പിന്നെപ്പിന്നെ
നിന്‍റെ തോല്‍‌വിയില്‍
ഞാനും
എന്റെ തോല്‍‌വിയില്‍
നീയുംകണ്ണു നിറച്ചു.
ഒടുവില്‍
തോല്‍വികളില്‍
സന്തോഷിക്കുന്നതു മാത്രം
നമ്മുടെ ശരികളായി മാറി.
അപ്പോള്‍ മാത്രം ചിരിച്ചു നാം,
മനസ്സു നിറച്ച്...
8 വായന:
പുതു കവിത ശരിക്കും പുതുമയുള്ളതായി തോന്നി. നന്നായിരിക്കുന്നു.
നല്ല കവിത!
കൊള്ളാം പുതുമ നഷ്ടപ്പെടരുതാത്ത കവിത.
കൊള്ളം ട്ടോ
:)
ഉപാസന
പുതുമ നഷ്ടപ്പെടാതെ തൂലികയില്‍ പടരുന്ന പൂമൊട്ടുകള്‍ നന്നായിരിക്കുന്നൂ.
ശരി
kavitha kollaam...
Kavitha nannayi..
Abhinandanagal...
Post a Comment