രാമകൃഷ്ണന്‍ ചുഴലി

ഉച്ചപ്പടം

അച്ചന് കഞ്ഞിയുമായി

ചെമ്പിച്ച തലമുടിയുള്ള

ഒരു പെണ്‍കുട്ടി നടന്നു പോകുന്നു

അപൂര്‍വ്വമായി

വീണുകിട്ടുന്ന തണലോരത്ത്

വിശ്രമിക്കുന്നു

പിന്നീട് കുറേ നടന്ന്

കശുമാവിന്‍ തോട്ടത്തിലേക്ക് കയറുന്നു

അതേ പോലെ തിരിച്ചു വരുന്നു

തന്നില്‍ സ്വയം ലയിച്ചു പോയ

തണലിനു വേണ്ടി പരതുന്നു

ഇപ്പൊള്‍ അച്ചന്‍

സൂര്യണ്ടെ

ഉച്ചപ്പടത്തില്‍

അഭിനയിച്ചു കഴിഞ്ഞിട്ടുണ്ടാവും