Monday, December 24, 2007

എസ്.കലേഷ്


ഹെയര്‍പിന്‍ ബെന്‍ഡ്‌


ഹെയര്‍പിന്നുകളെ മുടികള്‍ക്കിടയിലിരുത്തി
വളവുകള്‍കണ്ട്‌
ഒരുവള്‍ പോകും
അവളുടെ
കനംവച്ചു തുടങ്ങുംകുഞ്ഞിമുലകളെക്കുറിച്ചും
അറബിയക്ഷരങ്ങള്‍ പോലെ
വായനക്കുതയാറെടുത്തുവരും
കുഞ്ഞിരോമങ്ങളെക്കുറിച്ചും
വഴിയിലിരുന്നാരു പറഞ്ഞാലും
ഒന്നുംമിണ്ടില്ല॥
കുന്നിന്‍പുറത്തേക്കുപോകും
ലൈന്‍ബസിന്റെ
അവസാനസ്റ്റോപ്പാണവളുടെ വീടെന്നറിയം
അവിടെയൊരു
കിണര്‍കുത്തിയാല്‍കാണാവുന്ന
ജലനിരപ്പിനുംതാഴെയാണു
എന്റെനില്‍പ്പ്‌
ഹെയര്‍പിന്നുകളുടെ
കറുത്തകാലുകള്‍മെല്ലെവിടര്‍ത്തി
മുടികള്‍ക്കിടയിലേക്ക്
തിരുകും
ഒരുക്കങ്ങളെക്കുറിച്ച്‌
ചോദിചിട്ടില്ല
മഞ്ഞിന്റെ
വലിയജനാലകളുളള മുറിയില്‍ഇരിക്കുംബോള്
‍രാത്രിയില്‍ കേള്‍ക്കാം
കുന്നിന്‍പുറത്തേക്ക്‌
ഒറ്റശ്വാസത്തില്‍പാട്ടുപാടിപോകുംവണ്ടികളെക്കുറിച്ച്‌...
പുലര്‍ച്ചെ ആരും ഉണരുംമുന്‍പ്‌
ഞാനാവളവില്‍ പോയിനോക്കും
ഏന്തെങ്കിലും
എനിക്കവിടെകളഞ്ഞുകിട്ടും
അകന്നുപോയൊരു
ഹെയര്‍പിന്നോ മറ്റോ...

2 വായന:

ഉമ്പാച്ചി said...

അറബിയക്ഷരങ്ങള്‍ പോലെ
വായനക്കുതയാറെടുത്തുവരും
കുഞ്ഞിരോമങ്ങളെക്കുറിച്ചും
വഴിയിലിരുന്നാരു പറഞ്ഞാലും
ഒന്നുംമിണ്ടില്ല॥

അഫ്ഗാര്‍ (afgaar) said...

കൊള്ളാം.....

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

ഫേസ് ബുക്കില്‍

പഴയ ലക്കം

FEEDJIT Live Traffic Feed

  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP