Sunday, July 1, 2007

വാസുദേവന്‍ കോറോം

തീവണ്ടി

റെയില്‍വേ സ്റ്റേഷനിലെതിരക്കില്‍നിന്ന്‌
ഇന്നലെ രാവിലെ
എനിക്ക്‌ഒരു തീവണ്ടി വീണുകിട്ടി

പാളമോ സിഗ്നലോപ്ലാറ്റുഫോമോ
ഒന്നും വീണുകിട്ടിയില്ല
കുറേ ബോഗികള്‍ മാത്രം.
ആധുനികതയുടെഭാരം ചുമന്നുവന്ന
ആ ഭാരത്തോളം പഴക്കമുള്ള
കുറേ ബോഗികള്
‍തീവണ്ടി പോകുന്നിടത്തെല്ലാം
ചന്തുമേനോന്റെ നോവലിലെ
മാധവന്‍ പോയതും
പഥേര്‍പാഞ്ചാലിയില്
‍തീവണ്ടിപോകുന്നത്‌
അപ്പുവും ദുര്‍ഗ്ഗയും നോക്കിനിന്നതും
ഞാനോര്‍ത്തു

വീണുകിട്ടിയ തീവണ്ടി
എവിടെ ഒളിപ്പിക്കും
കാണാതായ തീവണ്ടിയെക്കുറിച്ച്‌
യാത്രക്കാര്‍അന്വേഷണവും വ്യാകുലതയും
പരിഭവവും
കാണിച്ചുതുടങ്ങിയിരിക്കുന്നു

സേറ്റഷന്‍മാസ്റ്റര്‍, ഡ്രൈവര്
‍ടി.ടി.ആറിന്റെ കറുത്ത കോട്ട്‌,
യാത്രക്കാര്‍,
കാപ്പിവില്‍പനക്കാര്‍,അങ്ങനെയൊന്നും
കളഞ്ഞുകിട്ടിയില്ല
ഇരുമ്പോ അലുമിനിയമോ
തകരപ്പാട്ടയോ കിട്ടിയാല്‍
അടിച്ചുപരത്തി
കൊണ്ടുപോകുന്ന
ഒരുകൂട്ടം
ആള്‍ക്കാരെ കിട്ടി
തീവണ്ടി
അവരുടെ കയ്യിലേക്ക്‌
വെച്ചുനീട്ടിയപ്പോള്‍അതു
പൊളിച്ചെടുക്കാനുള്ള ആയുധം
കൈയ്യിലില്ലാത്തതോര്‍ത്ത്‌ അവര്‍
നിരാശരാകുമോ എന്ന്‌
സംശയിച്ചിരുന്നു

തിരിഞ്ഞു നടക്കുമ്പോള്
‍തീവണ്ടി
കുത്തിപ്പൊളിക്കുന്നതിന്റെ
ഒരു പ്രത്യേക താളം
മനസ്സു നിറച്ചു
പണ്ടു തീവണ്ടി ഓടുമ്പോള്‍ കേട്ട
അതേ താളത്തിന്റെ പ്രതിധ്വനി

ആധുനികതയുടെ ചെറിയ രൂപകം
സീറ്റുകളായോ പുകയായോ
ആവിയായോ
പുകയുടെ കറുപ്പായോ
കറുപ്പിന്റെ ഊര്‍ജ്ജമായോ
പിറ്റേന്ന്‌ റെയില്‍വേസേ്റ്റഷനില്
‍വീണുകിടക്കുന്നു.

0 വായന:

Please submit your articles and contributions to


സൈകതം

സൈകതം
മലയാള സാഹിത്യത്തിന്റെ പുതിയ മുഖം
തുറക്കും തോറും അടഞ്ഞു കിടക്കുന്ന അനേകം ചര്‍ച്ചയുടെ വാതിലുകള്‍കരുതിവയ്ക്കുന്ന മാധ്യമമാണ് കവിത. ചില്ലുകടലാസില്‍ ആവിഷ്ക്കരണത്തിന്റെ പുതുവഴി കണ്ടെടുത്തു കഴിഞ്ഞ ഇക്കാലത്ത് കാലം, ലോകം സമയം ഈ കണ്‍സെപ്ടിനെ തന്നെ ബ്ളോഗ് മറികടന്നുകഴിഞ്ഞു. ആവിഷ്ക്കരണത്തിന്റെ ഈ അധോലോകത്ത് കൂടുതല്‍ എഴുതപ്പെടുന്നത് കവിതയാണെന്നത് ആശ്വാസകരമായ കാര്യമാണ്. ഭാവുകത്വത്തിന്റെ ചെറുപ്പം വെളിപ്പെടുത്തുന്ന കവിതകളുടെ ആര്‍ക്കൈവ്സുകളാണ് പുതുകവിത എന്ന കവിതാജാലികയുടെ ചരിത്രം. കവിതകളോടൊപ്പം കവിതാ സംസാരങ്ങള്‍ക്കുള്ള വാതിലും പുതുകവിത തുറക്കുന്നു. വരും ലക്കങ്ങളില്‍ തിളക്കമുള്ള, നവശില്പഭദ്രതയുള്ള സംസാരങ്ങള്‍ക്കും പുതു കവിത വേദിയാകും.

Followers

കൂട്ടുകാര്‍

കൂട്ടുകാര്‍

ഫേസ് ബുക്കില്‍

പഴയ ലക്കം

FEEDJIT Live Traffic Feed

  © പുതുകവിത 'മലയാളകവിതകള്‍' by നാസര്‍ കൂടാളി 2009

Back to TOP