ഉമേഷ് ബാബു കെ സി

ചൂണ്ടയും കൈയും

ജലാശയത്തില്‍ ചൂണ്ട വീഴുന്നത് എന്തെങ്കിലും ഒന്നിനെ കോര്‍ത്തെടുക്കാന്‍.
പിന്നീട് തിന്നാനോ വില്‍ക്കാനോ ആയി.

കുത്തൊഴുക്കില്‍ കൈ താഴുന്നത് പെട്ടുപോയ ഒന്നിനെ കരയ്ക്കണയ്ക്കാന്‍.
പിന്നീടും തികവോടെ വളരാനായി.

രണ്ടിടത്തും കരയുണ്ട്,ഒരാളും
രണ്ടിടത്തും കൈയുണ്ട്, പ്രവര്‍ത്തനവും.
എങ്കിലും എത്ര വേറിട്ടത്!
ആസക്തിയും അനുകമ്പയും അതിര് പകര്‍ന്ന മാര്‍ഗങ്ങള്‍
സംസാരജലത്തിലെ മനുഷ്യന്റെ കൈക്രിയകള്‍

സി.പി.അബൂബക്കര്‍

പുതിയകാവ്യങ്ങള്‍

എഴുത്തുമേശതന്മുകളിലിത്തിരി

മുഴുത്തതേന്‍പഴം

ചിരിക്കുവതെന്തേ?

പഴയൊരാകാവ്യം

വിരുന്നുവന്നുവോ?
പതിയെനമ്മുടെ
മനം ചുവന്നുവോ?
എനിക്കുമാപ്പഴം
കവിതക്കുമൊരേവയസ്സുതാന്‍,
ഞങ്ങള്‍ചിരിക്കുന്‍പോള്‍
നിങ്ങള്‍ കരയുവതെന്തേ?
സമൃദ്ധവാസന്തതടങ്ങള്‍
തേടുന്നു
ഇളവറ്റുപാറിപ്പറന്നുപോവുന്നു
പഴയൊരാകയ്പത്തടത്തില്‍നിന്നുനീ
ഒഴിഞ്ഞപാത്രമായ്‌
തലതിരിക്കുന്നു
പഴയതച്ചന്റെ
കണക്കുമായ്നിന്നു
പുതിയകാവ്യങ്ങളറിയാതെപോയി.