മൂന്ന് കവയിത്രികളും ഒരു കാമുകനുംഞാന് മൂന്നു കവയിത്രികളെ കാമിക്കുന്നു.
ഒരുവള്ക്ക് തലവേദനയാണു മാധ്യമം
രണ്ടാമള്ക്ക് ശ്വാസം മുട്ടലാണ് മാധ്യമം
മൂന്നാമള്ക്ക് മുഴുത്ത വട്ടും
ഞാന് ചുംബിച്ചപ്പോള്
തലവേദനക്കാരിയുടെ തലയില് നിന്ന്
വേദന പറപറന്നു.
ശ്വാസം മുട്ടലുകാരിയുടെ ശ്വാസം
ഇനി മുട്ടുകയില്ലെന്ന് ആണയിട്ടു.
വട്ടു പിടിച്ചവള് പ്രണയത്തിലേക്ക്
മാനാസാന്തരപ്പെട്ടു.
മാധ്യമങ്ങള് നഷ്ടപ്പെട്ട ഈ എഴുത്തുകാരികളും
ഞാനും തമ്മില്
ഭ്രാന്ത്,ശ്വാസം മുട്ടല്,തലവേദന
എന്നീ മാധ്യമങ്ങളില് രചിച്ച
കൃതികളുടെ പകര്പ്പവകാശം സംബന്ധിച്ച്
തര്ക്കത്തിലാണ്.
മലയാള സാഹിത്യ ചരിത്രം ഈ എഴുത്തുകാരികളെ
എങ്ങനെ മാനിക്കുമെന്നോ/
മാനത്തെ ഹനിക്കുമെന്നോ
കണ്ടറിയണം.
മണ്ടയടപ്പ്,മണ്ഠരി,കൂമ്പു ചീയല് തുടങ്ങിയ
ശിരോരോഗ വിദഗ്ധരുടെ നല്ല കാലമാണല്ലോ ഇത്.
ഈ മണ്ടരോഗികളുടെ ഫിറമോണുകള്
എന്നെ കാമത്തിന്റെ ഷാപ്പിലേക്ക് ‘വാ അളിയാ’ എന്ന്
വിളിച്ചു കൊണ്ടുപോവാന് ഒരു കാരണമുണ്ട്.
BALD HEAD/കഷണ്ടി
കഷണ്ടി ഒരു സാര്വലൌകിക ഭാഷയാണ്.
സ്വന്തം മുടിക്ക് പൂര്ണസ്വാതന്ത്ര്യം നല്കിയവന്റെ തരിശ്
സൂര്യന് ആ ഉദാരതയെ ചുംബിച്ച്
വിളിച്ചുപറയുന്നു:‘മഹാന്’
‘ഇജ്ജൊരു മഹാനന്നെ’ എന്ന് മലപ്പുറത്തുള്ള സൂര്യനും
ആശുപത്രിയും ദേവാലയവുമാണ്
പെണ്ണുങ്ങള്ക്ക് നിസ്സങ്കോചം കയറിച്ചെല്ലാവുന്ന പുരുഷാധിപത്യ സ്ഥാപനങ്ങള്
ഇതു രണ്ടുമായിരുന്നു ഞാന്
‘രോഗികളോടുള്ള രാഗം പ്രാസത്തിനു നന്ന്
വൃത്തത്തിനു പുറത്ത് ‘എന്നൊക്കെ അ/ഇ ശരീരികള്
‘എനിക്കിത്രയേ പറയാനുള്ളൂ
ഇത് തലയ്ക്കസുഖമുള്ളവരുടെ കാര്യമാണ്.
നിങ്ങളിതില് ഇടപെടണ്ട.‘
തലവേദനയിലും ശ്വാസംമുട്ടലിലും വിഭ്രാന്തിയിലും തീര്ത്ത മൂന്ന് ശില്പങ്ങള്
ഇതുകേട്ട് കൈകൊട്ടിച്ചിരിച്ചു.
