സജീവ്‌ അയ്മനം

സമാന്തരം

വെളുത്ത പൂഴി നിറഞ്ഞ മുറ്റത്ത്
ഒരു കറുത്ത ചരട് കിടക്കും പോലെ
പൊട്ടനുറുമ്പുകളുടെ നീണ്ട നിര
എപ്പോള്‍ തുടങ്ങിയെന്നോ,
ഒരു പോയിന്റ്‌ കടക്കാന്‍
എത്ര നേരമെടുത്തുവെന്നോ
ആരാലും റിപ്പോര്‍ട്ട്‌ ചെയ്യാതെ
ഒരൊറ്റ വരി പ്രകടനം









വെയില്‍ എഴുതുന്നത്‌

മഞ്ഞിന്ടെ തടാകത്തില്‍
വെയിലെഴുതി മറയുന്നു

ആരെങ്ങിലും വന്നു
വായിക്കും മുന്‍പേ
അത് ജലമായ്‌

വെയില്‍ എഴുതിയത്
എന്തായിരിക്കും?
പ്രണയമെന്നല്ലാതെ....